توضيح لبعض من أقسام الهندسه هام جدا بالنسبه لطلاب اعداى

توضيح لبعض من اقسام الهندسه هام بالنسبه لطلاب اعدادي)



1- تشيد و بنــــــــــاء ( الهندسه المدنيه) :
عموما المهندس المدني مهتم اساسا بكل الشئون المدنيه مش بس اعمال البناء, لا برضه اعمال الري والصرف والتخطيط والرفع المساحي.....الخ.

وسوف استعرضها لكم :-

1-مهندس انشاءات:-
مهتم بالمباني بحميع انواعها وده في منه نوعين : مهندس تصميم (مسئول عن تصميم وتحديد القطاعات) مهندس تنفيذ (مسئول عن تنفيذ القطاعات الي المهندس المصمم عايزها), طبعا مجال شغلك ممكن يكون الخرسانه وده الاكثر شيوعا او الحديد, وكتير مهندسين مدني بتنفذ تشطيبات كمان (محاره, سيراميك...الخ)

2-مهندس ري:
ده شغلته تنفيذ الترع والمصارف وتشغيل محطات الميه (التنقية والتحليه....الخ)

3-مهندس مساحه:
ده بقى شغلته الرفع والتوقيع المساحي للطرق, لشبكات المياه ...الح ( ايوووووووه هما دول الغلابه الي بتشوفهم واقفين في الشارع ماسكين لاسلكي ومعاهم جهاز عجيب عمالين يبصوا فيه ويشاوروا !!) طبعا شغل المساحه ده اساسي جدا لعمل اي حاجه (عماره, طريق, مدينة, شبكة....الخ)

4-مهندس ادارة وتخطيط:
وده مش بس في مجال مدني, وده مختص بالتخطيط للمشروع من ناحية الوقت والمال ومتابعة التنفيذ والجدول الزمني للمشروع


5- هندسة التربة :
تدرس خواص التربه وانواعها ومقدار تحملها كما تعرف تربة الشرقية غير عن الرياض مثلا.

6- هندسة النقل :
تدرس انواع الاسفلت وتصميم الاشارات والشوارع و هذا القسم ممتع جدا...

7- هندسة المياه :
تدرس الياة الجوفيه وتاثيرها على البناء وقياس مياة الانهار والسدود والامطار...

8- هندسة الخرسانه :
تدرس مكوناتها وكيفية التحكم في صلابتها والانواع لكل منطقة ....

9- هندسة المساحة :
تدرس فنون حساب المساحات للمشاريع من خلال اجهزه متطوره بالاضافة الى فياس المرتفعات....




طيب ايه مجال دراستك في الكليه؟

عموما انت هتدرس المبادئ على مدى الاربع سنين التخصص لكل الحاجات دي (الخرسانه, الحديد, التربه, المساحه....) يعني مش محتاج موهلات كبيره, طبعا عندك موهلات المهندس اصلا زي التفكير السليم وقدرة على التخيل كويسه, كويس في الكمبيوتر , تعرف تتعامل مع مشاكل وتتصرف في حلها, لانك دايما بعد كده ان شاء الله متعرض لمشكله طارئه في موقعك محتاج تحلها


عموما الدراسه مش صعبه بالمره, الموضوع عملي جدا وتطبيقي جدا وشايفه بعينك دايما, وبفضل الله مجال الشغل فيه مفتوح, لانك اصلا ادامك كذا مجال انت موهل تشتغل فيهم.


2- الهندسة المعمـــــــــــــــــــــارية
نشوف اختصاص الراجل اللي اسمه مهندس معماري
هو الشخص اللي بيصمم و بيحط الفكرة العامة و التفصيلية لاي مشروع معماري طبعا
فالشغل الرئيسي للمعماري هو التصميم ده اساس الموضوع باختلاف بقي التخصصات سواء بيصمم معماري ( مساكن - نوادي - مصانع - ............ الخ ) كل المباني يعني ...
او بيصمم الديكور ( ديكور منزلي _ مكاتب _ مسارح _ صالات عرض ......)
او بيشتغل في التصميم العمراني و التصميم العمراني ده معناه اللي بيصمم الفراغات ما بين المباني يعني .. اللي بيصمم الحدائق و الشوارع ما بين المباني و اماكن الانتظار و اماكن الخدمات كل الحاجات دي
او اللي بيشتغل في التخطيط العمراني و بخصوص موضوع التخطيط ده
في كليات بيكون فيها شعبة تصميم عمراني في قسم عمارة و كليات تانية مفيهاش الشعبة دي
يعني الشعب بتختلف من كلية لكلية و بيكون التخصص في سنة ثالثة
طبيعة الدراسة في الكلية مختلفة عن باقي الاقسام التانية كتيييييييييييييييير
لان بيغلب عليها العملي اكتر من النظري
معظم المواد في قسم عمارة بيكون شغلها مشاريع يعني مفيش مذاكرة كتير و الا كتب بقي غير في مواد قليلة نظرية
و بانصح اللي عندهم ميول فنية او بيحبوا الرسم و شغل ايديهم كويس انهم يدخلوا القسم لانه ها ينمي عندهم الميول دي جدا
و اللي معندوش ممكن يتعلم بس الصراحة ها يبقي الموضوع صعب عليه شوية في الاول و ها يبقي محتاج يتفرج كتير علي شغل ناس كتيييييييييير و يجرب ايديه في شغل كتير
اهم مادتين في القسم هما مادة التصميم المعماري و مادة الانشاء المعماري و دول الدعامة الرئيسية للقسم
الاولي طبعا بتدرس فيها التصميم و الثانية بتدرس فيها ازاي تخلي التصميم واقعي و بترسم بقي كل تفاصيل المشرو ع الانشائية
غير كده في مواد لذيذة زي مادة الالوان و الظل و المنظور و ....
و في مواد تانية ها تحسوا انها معقدة حبتين بس برده لذيذة زي نظريات العمارة
بس بجد الدراسة ممتعة جدا بالرغم من انها شاقة
و انت ها تحس بمتعة كبيرة كل ما يخرج من تحت ايدك مشروع او تصميم و تحس انه كويس
وسهل الموضوع دلوقتي برامج الرسم و اللي كل المكاتب شغالة بيها
و بعض الكليات بتقبل الشغل بالكمبيوتر
و بيدي نتايج هايلة
فبرده بانصح اللي ها يدخلوا انهم يتعلموا برامج رسم متنوعة و اهمها الاوتوكاد و الفوتوشوب و الماكس لانه ها يخدمكم كتير في الاظهار


3- هندسة الميكاترونيكس
إختلف التعريف الهندسي للميكاترونك منذ أن بدأت وحتى يومنا هذا وذلك بسبب التقدم المستمر لها بشكل يومي, فسأسرد لكم تلك التعريف

ميكاترونك هو العلم الهندسي الذي يربط بين الهندسة الميكانيكية والهندسة الكهربية وهندسة الحاسب وأنظمة التحكم.

كما عرفها تاكاشي ياماجوشي كان يعمل في مجموعة تاهيشي المحدودة قائلاً " ميكاترونك هي علم الإسلوب في تصميم المنتجات التي تتصرف بسرعة وتؤدي أداءً دقيقاً , هذه الخصائص تمكن تحقيقها ليس عن طريق الإدراك الميكانيكي وحده وإنما يستلزم إستخدام التحكم والحساسات والإلكترونيات"


ميكاترونك هي الإستخدام للمتحكمات الصغيرة Microcontrollers والــمعالجات الصغيرة Microprocessors و الإلكترونيات الرقمية في التصميم وأنظمة التحكم والآلات الذكية Smart Machines.

مشتملة على الإستخدام لمجموعة متقدمة جداً من البرامج الهندسية.


4- هندسة صناعية وادارية
(مهندس صناعي) و هذا الوصف هو وصف عام يتضمن أي مهام قد يقوم بها المهندس الصناعي و في أي قطاع (قطاع الصناعة، الخدمات، البنوك، الخ) و قد دونت المهام التالية:

• التخطيط للاستخدام الامثل للموارد.
• تصميم/تحسين العمليات الانتاجية و العمليات المساندة.
• تحليل البيانات المتعلقة بتكاليف الانتاج و استغلال الموارد و تحليل مقاييس الجودة.
• تصميم و تفعيل انظمة ادارة الجودة.
• دراسة و تحسين بيئة العمل و تكييفها لضمان الشروط الصحية و تحقيق اعلى كفاءة ممكنة.
• المساعدة في تقييم الوظائف و وضع معايير الأداء لها.
• تصميم أنظمة ادارة المخزون.




5 هندسة كهربـــــــــــــــاء

و كلمة الهندسة الكهربية يعنى العلم او العمل اللى بيختص طبعاً بالكهرباء

و تطبيقاته (فى رايى) اوسع التطبيقات انتشاراً سواء على مستوى الانسان العادى

(كمبيوتر , تليفزيونات او حتى الكهرباء اللى فى الفيشة , حتى التليفونات ارضية

او محمولة او فضائية برضه تبعنا ...) يعنى حياتنا كلها ,و كمان على

مستوى الاعمال و الصناعات اساس لاى صناعة سواء بالقليل او الكثير

يعنى باختصار ..كهرباء ده هو قسم المستقبل فعلاً
ومهندسين الكهرباء نوعين

*مهندس اتصالات :-
و ده شغله الاساسى بيكون فى الاتصالات (سلكية او لاسلكية) يعنى مثلاً شركات المحمول ,و شركات الاتصالات ,راديو ,...باختصار اى حاجة فيها موجات او ارسال او شبكات .

و فى نفس الوقت يقدر يشتغل فى الاليكترونيات (و ده برضه من ضمن تخصصه الاساسى) و يقدر يصمم دوائر اليكترونية او يحللها (يعنى يصلحها او يعدل فيها)
من اول الراديو لحد الماذر بورد
و كمان ممكن يشتغل تحكم الى او كونترول , بس المجال ده مش من ضمن تخصص اتصالات بس بيدرس شوية فيه ,لكن هو اصلاً تبع باور و اصلاً اصلاً تبع كمبيوتر

* مهندس قوى (باور) :-

و ده شغله الاساسى فى كهرباء الضغط العالى يعنى الات كهربية و توليد كهرباء

(يعنى اى كهرباء ضغط عالى و اى كهرباء بتمشى فى سلوك و او الات كهربية)

و ده مجال شغله متاح بشكل كويس لان اى مصنع بيحتاج مهندسين قوى علشان

الالات و الشبكة الكهربية للمصنع .



و المجال التانى لشغل مهندس الباور هو التحكم الالى او الكونترول و ده مجال شغله كويس و مطلوب جداً





6- هندسة الحـــــــاســــب
و اكيد طبعاً شغله فى الكمبيوتر (تصميم برامج ,قواعد بيانات , انظمة تشغيل,....)
و طبعاً بيكون عارف فى الهاردوير

ده غير التحكم الالى (و هما اساس الموضوع ده فى الاصل)

و التحكم الالى ده زى مثلاً فى خطوط الانتاج (السيور دى اللى بنشوفها ماشية فى التليفزيون عليها غالباً مكرونة و بتتحط فى اكياس) و طبعا دى محتاجة واحد
يصممها و يكون مسئول عنها , و بتدرس فيه لغات برمجة زى BLC و دى مش لغة برمجة بالمعنى المفهوم انما حاجة زيها كدة بيستخدم فيها هاردوير

مرسي كتير علي وجودك وردك وعلي فكره الدكاتره فعلا بقت زفت في كل الكليات